Ravivaar ko der tak sone waale apne bete ko
subah subah television ke aage baitha dekh
thoda chaunk si gayi thee woh.
"Kya hua Rahul?
Jaldi kaise uth gaya?"
"Ma! TV per naya program aa raha hai.
Ek mashhoor film star
bhroon hatya ke khilaaf
aawaaz utha raha hai."
Sunkar ma thoda hadbadaayi.
"Par beta, doosre channel per achhi picture aa rahi hai.
Chalo. Woh dekhte hain.
Main bhi tumhaare saath bathkar dekh loongi."
"Nahin ma! Picturein toh aati rahengi.
Magar yeh dekho ma.
Kaise kuchh log ladki paida hee nahin hone dete!
Kya inn logon ka dil nahin hota?
Kya inhein aisa kadam uthaane mein darr nahin lagta?
Kaise log hain yeh, chheee!"
Sunkar apne bachche ki baat
chali jaati hai woh apne kamre mein.
Nikaalti hai almaari se woh doctor ki report
jiss per likha tha
'Abortion successful'.
Aaj uske aansoo, ruk na rahe they.
-------------------------------------------------
-Prateek
11/5/2012
https://twitter.com/#!/Scotchaholic
Brilliant Scotchy! You can guess the ending before you're halfway through, but it didn't stop me from wanting to read on.
ReplyDeleteWell done. Loved it :-)
Ps. Title chor!!! :P
Deep! The feeling of guilt is the worst feeling ever..
ReplyDelete