Thursday 3 November 2011

The Angels Are Falling


Uss raat
har raat ki tarah
chhatt pe tehelte hue
dekh raha hoon
anginatt taaron ki khoobsurat mehfil ko.

Achha lagta hai
taaron ka woh sangeet sunn-na
jise duniya ne kahin bhula sa diya hai.
Har toot-ta taara
jaise koi alag hee taan le raha hai.

Aur unn toot-te taaron ke beech
kahin se koi pari aa giri.
Uske safed kapde, safed nahin.
Uske pankho mein koi aisi jagah nahin
jahaan koi chhed nahin.
Behaal si, machhli ki tarah tadapti si
woh ektak mujhe ghoorti hai.
Aur aankh bandd karke kehti hai
"Yeh duniya kam thee kya,
jo wahaan par bhi tumne apne lutere bhej diye?"
-------------------------------
-Prateek
3/11/2011

3 comments:

  1. SMART! Maturing!

    ReplyDelete
  2. Waah !
    Aapki pari ney.. aapke hasti hui aankhon se gham padh liya...
    Yeh baat aur hai ki,,, Pariyan sabko milti nahin!

    ReplyDelete
  3. wow, brilliant. Loving the way you're mixing the intense emotions with simple words. I love your poems.

    ReplyDelete