Zaroorat Padey, Toh.

Sochta hoon zaroorat na padey.
Thoda teri baahon ki chaadar odhey rehna chaahta hoon.
Gardan par saanson ki dastak,
Kaanon per teri zulfon ki sarsaraahatt,
Teri ungliyon to mere hontho ka raasta naapney dena chaahta hoon.
Aankhein main phir bhi na kholoonga,
Tujhe makhmal ke bistar per pighaltey dekhna chaahta hoon.
Shabd na koi, lekin teri shaitaan hansi,
Teri dabi hansi mein teri sharaarat,
Tere chulbuleypann se teri naraazgi tak,
Teri masoom aah mein simatnaa chaahta hoon.
Aankhein main phir bhi na kholoonga,
Zaroorat padey, toh pukaar lena.
Zaroorat padey, toh jagaa dena.

Don't

Main sadiyaan jee gaya
panna panna calendar chhaant-tey huey
soti aankhon per paani matt daalo.
Mainey sookhi ghaas se resham ka qaaleen buna
mere ghutney harey
tum hansa matt karo.

Jhaankey Patloon Mein

Dil ka chashma,

chashma duurbeen,

Jhaankey patloon mein

“Yeh kyun hai ghamgeen?”

Badi hee mean!

Din bhar angootha dikhaaye,

raat ko bajaaye meri been.

Gear badley ek se teen,

honth mein dabaaye jaise koi machine.

Horn bajaakey meri bajaaye,

baahon mein choor hoye coffee bean.

Meri morphine,

Meri vaccine,

chubhtee suee si din bhar,

raat le meri chheen.

Kehti whore banoon teri

tu baney mera Charlie Sheen.  

Na nigla jaaye na ultaa jaaye

Hindi movie ka climax scene.